Bu felâket seyrine bir çeşm-i bîdâr kalmamış
Bu melâhat şem’ine bir gûş-i huşyâr kalmamış

Gül gider bülbül gider sünbül gider gülşen gider
Bu zevâlin sür’atine ferd-i gamhâr kalmamış

Mihr-i eflâk-ı selâmet âşikâr itmiş gurûb
‘Âkıbet-endîş olan bir ferd zinhâr kalmamış

Hürmeti vâcib olan eşyâ bugün tahkîrdedir
Cân vire cânân yolunda mîr-i nâmdâr kalmamış

Rûz-i haşre dek muhakkak evliyâ noksân değil
Şîr-i meydân-ı diyânet kâfî mikdâr kalmamış

Sürh-renk seller gider gayret-i Hakk eyler zuhûr
Kıl nazar Allah içün bu nâsda hiç ‘âr kalmamış

Fânî fi’d-dünyâ olan eşhâs hayvândan beter
Lutfiyâ nusret ider sanma ki dindâr kalmamış