Kangı dilde kim ola ‘aşk u muhabbet mâyesi
Feyz-i Hakk olur anunçün tıfl-ı şîrîn dâyesi

Reşk-i mihr-i ‘âlem oldu zerre-i nâçîz dil
Olalı ol mâh-i tâbın yeryüzünde sâyesi

Mihr ü meh âfâkın oldu nice zîbâ zîneti
Cân u dildir bu serây-ı enfüsün pîrâyesi

Zâhidin ârâm-gâhı cennetü’l-me’vâ ise
‘Âşıkın dîdâra dek eyler terakkî pâyesi

Levh-i mahfûzun çıkardı sûretin evrâka hep
Bu kalemden eyledi tahrîr Hakkı âyesi