Kimin ki ‘aşkın yoluna cân u dili kurbân olur
İki cihândan oluban ‘aşkında ser-gerdân olur

‘Aşkına düşen kişinin benzi sararır derd ile
Yüreği başlı gözü yaş bağrı anın biryân olur

Geh ‘ilm ile tâ’at idüp gâh bildiğini unudup
Gâh kendü kendüden gidüp gâh hüsnüne hayrân olSeyrur

Geh dünyede meşhûr olur gâh perdede mestûr olur
Gâh mest ü gâh mahmûr olur gâh derdine dermân olur

Şular ki Hakk’a yol sorar ‘aşk oduna cânın urar
Yol ehlini andan görür çün kim ana mihmân olur

‘İlm kılmak ile kimesne yol varmaz imiş menzile
Tâ uymayınca pîşreve gör Yûsuf-ı Ken’ân olur

‘Âşık izin izleyüben gönlün ana ısmarlayan
Dünya vü ‘ukbâda anın her müşkili âsân olur

Hâdî hemân oldur yine her sûret-i rahmânîden
Ahmed Muhammed kor adın bu ne ‘aceb dîvân olur

‘Âşık senin gönlünde Hakk nûru tecellî kılıcak
Hakk’dır dilinde söyleyen hem söyleyen Kur`ân olur