Kûhkenden görünür kûhda âshar henûz
Ol ne benzer mana anun eseri var henûz
Çekdi Mecnun ayağın bâdiyeden lîk verür
Kanlu güller ayağından çekilen hâr henûz
Vadi-i ışkda sevdâ iyle ser-geşte idüm
Gelmeden gerdişe bu günbed-i devvâr henûz
Nokta-i hâline bağlanmış idi cân ü gönül
Gezmeden dâ’ire-i devrde pergâr henûz
Mâha çektim şeb-i hicrân ‘alem-i şu’le-i âh
Âh kim olmadı ol mâh haber-dâr henûz
Nâle-i zârum ile halka haram oldu yuhu
Kara bahtum yuhudan olmadı bîdâr henûz
Merhem-i vaslı ile buldu kamu derde devâ
Bu Fuzûlî elem-i hecr ile bîmâr henûz

Fuzuli