Kûy-i vahdet ister isen kendi vicdânın ara
Öz vücûdundur senin tek ceyb ü dâmânın ara

Ravza-yı cennât-ı cismin vâr iken ey müdde’î
Sana kim dir kim yürü sen hûr u rıdvânın ara

Gel kitâb-ı hüsne bak esmâ-yı husnâ isteyüp
Ma’nâ-yı Ümmü’l-Kitâb’ı sırr-ı Kur`ân’ın ara

Kayd-ı dâm-ı dâneyi ko zulmet-i ebdânı geç
Varup andan sen yürü şol âb-ı hayvânın ara

Gurbiyâ bulmak dilersen isteme ‘âlemde sen
Kendi zâtın içre var öz kendi Yezdân’ın ara