Mir’at-ı kalbe kıl nazar
Cânân cemâlin gösterir
Vâriyyetinden et güzer
Cânân cemâlin gösterir

Yüz yere sür sular gibi
Kurbân ol âhûlar gibi
Rağbetde hub-rûlar gibi
Cânân cemâlin gösterir

Hizmete eyle himmeti
Hizmet ile al himmeti
Her dü-cihân bul devleti
Cânân cemâlin gösterir

Olur isen ehl-i edeb
Edeb se’âdete sebeb
Edeb ile ol müntehab
Cânân cemâlin gösterir

Kibr ü riyâdan ol berî
Buhl u hasedden kal geri
Hakk yoluna ver bu seri
Cânân cemâlin gösterir

Mahlûk-ı Hakk’a merhamet
Eyle bu halka menfa’at
Ol müste’id bul mekremet
Cânân cemâlin gösterir

Her rûz u şeb eyle niyâz
Niyâz ile ol ser-firâz
Çâre kıla ol çâre-sâz
Cânân cemâlin gösterir

Lutfî gibi olma ‘alîl
Gönlünde bul nûr-i cemîl
Destigîrin olur Celil
Cânân cemâlin gösterir