Dışın göndür için kandır nene mağrûr olursun sen
Kılmadın emr-i sultân nedir nene mağrûr olursun sen
Vücûdun mâ-i mühmelden yaratdı Hâlık-ı ‘âlem
Sonu hâk ile yeksândır nene mağrûr olursun sen
Cihâna sığmayup doymaz iken bu mülk-i dünyâya
Yerin bir kuru vîrândır nene mağrûr olursun sen
Tutalım pâdişâh oldun bu ‘âlem şark u garbına
Sonu hüsrânla efgândır nene mağrûr olursun sen
Meğer Seyyid Nizâmoğlu sanırsın sen seni sensin
Cihânın vârı gufrândır nene mağrûr olursun sen