Ol nokta-i mevhûm ki dirler tenimizdir
Ser-menzil-i iklîm-i ‘adem meskenimizdir

Biz Yûsuf-ı üftâde-dil-i çâh-ı belâyız
Hûnîn cesed kâle-i pîrâhenimizdir

Teber gibi tenhâ-rev-i tecrîd-nihâdız
Bûsiş-geh-i zerrât-ı sivâ dâmenimizdir

Hil’at dikeriz kâmet-i hicrâna Mesîhâ
Zerbeft şeb gurre-i meh sûzenimizdir

Biz gül-bün-i gül-bâğçe-i vahdetiz ey Şems
Bir ‘âşık-ı dil-hûn gül-i gül-şenimizdir