Olur çün ‘âkıbet ten hâke yeksân
Koyup dünyâyı îmân iste îmân

Bu cânın çıkmadan bîçâre tenden
Gönül derdine cehd et eyle dermân

Mücellâ eyle dil mir’âtını var
Tecellâ-yı cemâl eyleye sultân

Vücûdun zerredir zâhirde ammâ
Bulunur on sekiz bin dürlü elvân

Eğer hayvân me’âdin cin melekdir
Şeyâtîn dîv ile hem perî insân

Bunun mazmûnların makbûle döndür
Olasın kendi mülkünde Süleymân

Çalış Seyyid Nizamoğlu yürü var
Olagör ölmeden bir ehl-i ‘irfân