Her kim cândan câna ire cânân olur ol tâ ebed
Zât ile ol zâta ire sultân olur ol tâ ebed

Kurtula bir kes benlikden halâs olur ikilikden
Nice remz ide birlikden bürhân olur ol tâ ebed

Bir deryâya düşer cânı ne onu bilir ne bunu
Dâim gıdâsıyla dostun şâdân olur ol tâ ebed

Gaflet kişi aça göz ana te’sîr ider her söz
Derûnundan yakar ol sûz tâbân olur ol tâ ebed

Kanı varlıkdan kim geçer ol bâkî varlığa uçar
Vahdet meyin her bâr içer sekrân olur ol tâ ebed

Ünsî sırrını bâz itme uzak yakın sen gözetme
Derde dermân arzu itme dermân olur ol tâ ebed