Öyle müstesnâ güzelsin kim sana yoktur bedel
Senden ey can münkati kılmaz beni illâ ecel
Nice sûret bağlasın gönlüm halâs-i aşktan
Aşktır bir hâl kim ol hâle gönlümdür mahal
Aşkıma noksan yetirmez görmemek ol arızı
Cevhere tağyîr-i âsâr-i araz vermez halel
Eyledi rüsvâ gönül çâk-i giribân-i edeb
Gör ne ehl-i ilmdir âdâb ile eyler cedel
Hâlimi gördükçe ben’i ehl’i aşk eyler fakîh
Huccet-i maktu-‘i yok eyler kıyâs ile amel
Medrese içre müderris verdiği bin dersten
Yeğ durur mey-hânede bir câm vernek bir güzel
Ey Fuzûlî ben dem urmuştum safâ-yi aşktan
Matla’-i hur-şîd ıcâd olmadan subh-i ezel

Fuzuli