Sana âşık olan diller niderler hûri gılmânı
Cemâlin seyreden gözler niderler bağ-ı rıdvânı.
Şarâb-ı aşk ile sekrân olup her birisi mestân,
Visâlin gülüne hayrân olan neyler gülistânı.
Koyanlar akl-ü idrâki olurmu kimseden sâkî,
Yakıp bu sîne-i çâki düşer âteşlere cânı.
Bu nâr-ı aşka yananlar buhar-ı şevka dalanlar,
Gözünden yaş ile kanlar akan bilmezmisin hânı.
Niyâzî kaldı hayrette yanar dil nâr-ı firkâtte,
Düşen bu dâr-ı gurbette dün-ü gün eyler efgânı.