Sehv ü nisyânımıza yâ Rabbenâ kılma nazar
‘Afv u gufrânından irsin cism ile câna eser

Yüz sürüp bâbına geldik umarız ihsânını
Mahv ola resm-i sivâ mir’ât-ı dilde ser-te-ser

Bu vücûdum katresini bahr-i bî-pâyâna sal
Şems-i fazlın lem’asıyla zerre-veş kıl behre-ver

“Mâ vesa’nî” nüktesinden neş’e-dâr it kalbimiz
Gûş-i c3ana şeş cihetden irişe tâ ki haber

Âşiyân-ı kudse pervâz eyleye cân bülbülü
Gül’izâr-ı vaslın ola dem-be-dem ana makar

Leyl-i firkat zâil olup subh-ı şemsin kıl ‘ayân
Vahdetin esrârına hayrân gönül şâm u seher

Feyz-i zâtından olursa ger Fenâyî’ye ‘atâ
“Küllü şey’in hâlikün” saĥrâsını eyler güzer