Sen bu cihân mülküne geldim gelmedim dime
Tut evliyâ eteğin zinhâr elinden koma

Gâfil olma ‘ömr geçdi bir niçe yılın aşdı
‘Aşkdır kaynadı taşdı buldum bulmadım dime

‘Aşk bî-karâr denizdir cânını ‘aşka yüzdür
Denizde bahrî vardır yüzdüm yüzmedim dime

Gemi denize girdi bir zamân cevlân urdu
Bir gün gemi gark oldu bozdum bozmadum dime

Denizde hakâyıklar cevlân urur balıklar
Yûnus deniz mevcine daldım dalmadım dime