Lutfeyleyüp bir kez nazar
Eylerse ger Sultânımız
Kürsî değil ‘arşdan dahi
‘Âlî olur ‘unvânımız
****
Benlik aradan dûr ola
Zulmet gidip pür-nûr ola
Mahzûn gönül mesrûr ola
Ma’mûr ola vîrânımız
****
Vahdet şerâbın kim içe
Fânî ‘alâyıkdan geçe
Ger haşr ola nice nice
Ayılmaya mestânımız
****
Şevk ile bülbüller öte
Âvâzı âfâkı tuta
Her lahza taze gül bite
Hîç solmaya bostânımız
****
Ola Hüdâyî’ye ‘atâ
Cân sem’ine ere nidâ
Derdin veren Kâdir Hudâ
Bir gün vere dermânımız