Seyr kıl gör kim gül-istânın ne âb ü tâbı var
Her taraf bin serv-i ser sebz ü gül-i sîrâbı var
Pençe-i berg-i çenâr etmiş müheyyâ şâneler
Anlamış gûyâ ki sünbül kâkülün tâbı var
Râhat için ferş salmış sebze-i ter gül-şene
Nergisin görmüş güzün mahmûr sanmış hâbı var
Bulunur her derde istersen gül-istanda devâ
Hokkasında goncenin san kim şifâ cüllâbı var
Gâlip olmuş halka zevk-i seyr-i gül-şen gâlibâ
Çekmeğe halkı benefşe zülfünün kullâbı var
Ger Fuzûlî meyl-i gül-zâr etse fasl-i gül n’ola
Ayş için hûn-âbe-i dilden şarâb-i nâbı var

Fuzuli