Tevhîd-i zâtın bahrına ‘aşk ile dalmayan bilmez
Ledünnî bahrının dürrün sarrâfı olmayan bilmez

‘Âşıkları hayrân eden tevhîd-i zât envârıdır
Cân gözünden mâsivânın tozunu silmeyen bilmez

Muhammed nûrunu görmek “men ‘aref” sırrıdır bildim
Bir kâmil erin himmeti burhânı olmayan bilmez

Erenlerin sözü hakdır inanmayan münâfıkdır
Zann u gümânı terk edüp sıdk ile gelmeyen bilmez

Me’ânî bahrının vasfın Sinân Ümmî eder ızhâr
Nişân-ı lâ-mekândan bir nişânı olmayan bilmez

Ümmi Sinan