Derilüp kapuna geldi fukarâ
Yâ ilâhî fukarâya nazar it
Senin ihsânın umarlar zu’afâ
Yâ ilâhî fukarâya nazar it

Sen bilirsin kamu ahvâlimizi
Mahz-ı fazlınla kayır hâlimizi
Rahmetin eline al bâlimizi
Yâ ilâhî fukarâya nazar it

Redd olunmaz dergehinden sâil
Cürm ü ‘ısyân lutfa olmaz hâil
Cümle maksûd senden olur hâsıl
Yâ ilâhî fukarâya nazar it

Lutfun umar bir bölük muhtâcız
Hân-ı vasla bizi doyur açız
Tâlib-i zevk-i reh-i mi’râcız
Yâ ilâhî fukarâya nazar it

N’ola Bîçâre’ye itsen rahmet
Senden olur fukarâya şefkat
Senin ile bulur anlar ‘izzet
Yâ ilâhî fukarâya nazar it