Yâ Rab bâğ-ı visâline
Zamân olup girmeyem mi
Cemâlinin güllerinden
Deste deste dirmeyem mi

Alevlenüp nâr-ı firâk
Yandı gitdi cân-ı müştâk
Bir gün yakın olup ırak
Zevk-i vaslı sürmeyem mi

Gâh derd ü mihnetlerde
Gâh sefer ü hicretlerde
Kalup gidüp gurbetlerde
Vatanıma irmeyem mi

Kalbim ola çü âyîne
Hasret âteşi söyüne
Açılup gözlerim yine
Dost yüzünü görmeyem mi

Hakkı’yı al senden yana
Lutf u ihsân eyle ana
Bir gün ecel gelüp bana
Bu cânımı virmeyem mi