Zevk şevkiyle cihan kaydın çeken zahmet çeker
Ehl-i zevk oldur kim andan dâmen-i himmet çeker
Gün çeker yerden göğe her dem gubâr-i râhını
Tûtiyâ için beli gökten yere minnet çeker
Ey çeken gayr ile pinhân bezm edip mey gâh gâh
Yâd kıl anı ki bezmin yâd edip hasret çeker
Hâli etmiş gayrdan zülfün hayâli gönlümü
N’ola sâhip-keşf ise bir ömrdür halvet çeker
Çek sabûhu subh nakkâşına arz-i ârız et
Böyle çeksin ger felek levhine bir sûret çeker
Serv-kâmetker semen-ruhsârlar toprağıdır
Her semen kim açılır her serv kim kâmet çeker
Katre-i eşkim katârı sine çâkinden girip
Ten evine taşradan bâr-i gam ü mihnet çeker
Ey Fuzûlî bakmayam tâ gayra her hûnin müje
Âteşin bir mildir kim çeşmime gayret çeker

Fuzuli