E’s-salâ ey cümle ashâb-ı aşka e’s salâ
Cân u bâşın terk iden erbâb-ı aşka e’s-salâ
Rûz ü şeb bî-dâr olup ol âh ü efgân eyleyen
Gözlerinden kân akan ahbâb-ı aşka e’s-salâ
Mâ-sivâ zünnârını dilden kırıp Allâh diyen
Azm-i lâhût eyleyen ihrâb-ı aşka e’s-salâ
E’s-salânın mâ’nisin fehm eyleyen ‘uşşâk-ı Hakk
Cânını kılıp fedâ ol bâb-ı ‘aşka e’s-salâ
Mantıku’t-Tayr’in lisânın anlayan gelsin beri
M’anevî dutan yüzün-mihrâb-ı aşka e’s-salâ