Mefhar- i Mevcudât, Hazret-i Fahr-i Alem
Muhammed Mustafâ râ Salevât
Allâh adın zikredelim evvela
Vacib oldu cümle işte her kula
Allâh adın her kim ol evvel anâ
Her işi âsan eder Allâh anâ
Allâh adı olsa her işin önü
Hergiz ebter olmaya anın sonu
Her nefeste Allâh adın de müdâm
Allâh adıyle olur her iş tamam
Bir kez Allâh dise aşk ile lisan
Dökülür cümle günah misl-i Hazan
İsm-i pâkin pâk olur zikr eyleyen
Her murâda erişür Allâh diyen
Aşk ile gel imdi Allâh diyelim
Derd ile göz yaş ile âh idelim