Deme kim Hakk’ı sende mevcûd ola ya bende
Ne sendedir ne bende sığmaz ol bir mekânda

Mekânı bî-mekândır nişânı bî-nişândır
Zuhûr eden yine ol mekânda hem zamanda

Hem cân ü hem ten oldur hem sen ve hem ben oldur
Cümle görünen oldur uzakda vü yakında

Sanır mısın kim oldur istediğin ya budur
O bu kamu bir Hû’dur gidende vü duranda

Niyâzî gözün aç bak her şey olup durur Hakk
Sanma ânı kim ola nihanda ve ayanda