Ey Kerîm Allah ey Ganî Sultân
Derdliyiz senden umarız dermân
Lûtfuna had yok ihsâna pâyân
Derdliyiz senden umarız dermân

Gerçi kullarda ma’siyet çokdur
Rahmetin Mevlâm dahi artıkdır
Gayrıdan bize hiç meded yokdur
Derdliyiz senden umarız dermân

Gel demez isen biz günâhkâra
Bir adım kâdir mi ki yol vara
Çâre yok olmasa senden çâre
Derdliyiz senden umarız dermân

Şu dem ki senden bir hüdâ geldi
Feyzi akdesden âşinâ geldi
Bir cefâsına bin safâ geldi
Derdliyiz senden umarız dermân

Bu Niyâzî çün zikrine düşdü
Dün ü gün gönlü fikrine düşdü
Zâtına eren şükrüne düşdü
Derdliyiz senden umarız dermân