Mâh-ı Ken‘ân’dan mı aksetmiş bu hüsn ü ân sana
Sen mi benzersin ona yoksa meh-i Ken‘ân sana

Sen gülistân-ı melâhetde açılmış tâze gül
Ben de ey şâh-ı cihân bir bülbül-i nâlân sana

Bilmezem hûrî misin yûhut melek mi yâ nesin
Bu letâfetle yazıktır söylemek insân sana

Böyle hoş-reftâr ile arz-ı cemâl ettikçe sen
Olmamak kâbil değildir müşterî rıdvân sana

Bu Kemâlî her zamân kûyin tavâf etmektedir
Yol bulursa eylemek ister fedâ-yı cân sana