Sâlikin mürşidine hizmeti şâhâne gerek
Eşiğine koya başın diye şâhâ ne gerek

Geçe dünyâ ile ‘ukbâyı dahi etmeye ‘âr
Bu yolun mihnetine ol katı merdâne gerek

Nâ-murâd olmağa tâlib ola kim menzil ala
Dahi halk içre adı ‘âkil ü dîvâne gerek

Dahi Mûsâ gibi Hızr’a gemisin deldire ol
Eski duvârı yıkıp hem katl-i oğlana gerek

Gemi sağlam olıcak gasb eder emmâre-i nefs
Yeni duvâr beğim eskiyi vîrâne gerek

Eğer öldürmese oğlanı sonu fâsıd olur
Bu bâğın bülbülü ‘aşk oduna pervâne gerek

Ey Niyâzî bu yola kim gire kurbân ede cân
‘Iyd-i ekberdir ana vuslat-ı cânâne gerek