Bir tecellî eylese ‘âşıklara envâr-ı Hâk
Gülşen-i dilde açılır nice bin ezhârı- Hâk

Sırr-ı tefrîd eyleyenler bildiler sırrın anın
Lâ vü illâ ‘âleminden ötedir etvâr-ı Hâk

Gayret eyle bezm-i dilden mâsivâyı sür çıkar
Yâr-ı Hak kılmaz tecellî var iken ağyâr-ı Hâk

Zâhidâ her zerre bir sırr-ı İlâhî kânıdır
‘Ârif-i bi’llâh olagör eyleme inkâr-ı Hâk

Ceyb-i inkâr u ‘inâdı çâk çâk itdi bugün
Hakkıyâ kâlû belâ da eyleyen ikrâr-ı Hâk