Elvedâ ey mâh-i tâbân elvedâ
Elvedâ ey mihr-i Yezdân elvedâ
Elvedâ ey âfitâb-ı şer’-i dîn
Elvedâ ey mâh-i tâbân elvedâ

Gündüzün bayram idin sâimlere
Her gece bir kadr idin kâimlere
Nûrdan bir tâc idin âlemlere
Elvedâ ey mâh-i tâbân elvedâ

Leyletü’l-Kadr ü Berat idin bize
Hem dahi savm ü salât idin bize
Nâr-ı dûzehden necât idin bize
Elvedâ ey mâh-i tâbân elvedâ

Yılda bir kez şehri seyrân eyledin
Kendözün bu halka mihmân eyledin
Sonra tâvûs gibi cevlân eyledin
Elvedâ ey mâh-i tâbân elvedâ

Hazret’e bizden şikâyet eyleme
Aybımız çokdur hakâret eyleme
Eşrefoğlu’na melâmet eyleme
Elvedâ ey mâh-i tâbân elvedâ