Hâk-i pây-i Mustafâ’ya yüz süren mesrûr olur
Her ne denlü mücrim ise âkıbet mağfûr olur

Mest-i câm-ı aşk olup düş râh-ı uşşâka hemân
Bu harâbât-ı muhabetde düşen mamûr olur

Şevkıla hark-ı hicâb ide acep mi âşıkân
Sînesin çâk itse mecnûn-ı Hudâ mazur olur

Kevkeb-i izz ü saâdet pertevidir adl ü dâd
Dâima sultân-ı âdil gâlib ü mansur olur

Âşıkın bağrı yanup âh-ı sehergâh itmede
Kalbe kim nâr-ı muhabbet irişe mahrûr olur

Mu’cizât-ı Hazret-i şâh-ı Resül ider zuhur
Avn-i Bârî irişüp a’dâ-yı dîn makhûr olur

Hû ile vakt-i seherde seyr-i lâhût idegör
Zâkir-i Hakkın Zekâyî bâtını pür-nûr olur