Düşelden deryâ-yı ‘aşka nâm u nişândan geçmişem
Vücûdum mahv u gark oldu ‘akl ile cândan geçmişem

Zühd ü takvâ ‘ilm ü ‘amel mukarrebe hicâb imiş
Ben anı ‘aşka değişdim bâğ u cinândan geçmişem

Gönül mi’râc etdi hâlen erişdi vuslat-ı dosta
Göründü dîdâr-ı vahdet şekk ü gümândan geçmişem

Girdim ‘aşk ile meydâna ene’l-Hak nevbetin çaldım
Dost mendedir ben dostdayam iki cihândan geçmişem

Armağanam tâ ezelden dîdârının hayrânıyam
Cân baş nedir ol dost içün rûh-ı revândan geçmişem