Yâ Rabbi senin künhünü kim eyleye idrâk
Kim hikmetine kudretine diller olur çâk

Bir zerrece in’âmına hâmid olabilmez
Dil her ne kadar olsa eğer çâpük ü çâlâk

Hikmetlerinin binde biri olmaya mektûb
Ger kâtib ola cümle-i insân u cin emlâk

Şân-ı ceberûtuna göre katre ya habbe
Olmaz idi tamu sekiz uçmak dokuz eflâk

Sad hamd-i hezârân şükür lutfuna yâ Rabb
İtdin bizi ümmîd-i cinân ile ferahnâk

Ferd ü Samed ü Vâhidü Hallâk-ı ezelsin
Hâşâ ki senin birliğine dil ola şekkâk

Dîdârın ile şâd olan üftâdeler içün
Fazlî kulunu rûz-i cezâ eyleme gamnâk