Nisâr ol âşık cânına ki dost ile visâli var
Cânı birdir ma’şûk ile dahi ne türlü hâli var
Allah de Allah Allah de Allah

Cân u gönül akl u fehim nisar olsun maşûkaya
Pes âşıkın ondan ayrı dahi ne mülk ü malı var
Allah de Allah Allah de Allah

Bu yer ü gök Arş-Ferş aşk tadı ile kâimdir
Bünyâdı aşktır âşıka her bir arada eli var
Allah de Allah Allah de Allah

Âşıkların ne kim varı tecrîd gerektir arada
Her nesneye ol hükm eder her yol içinde yolu var
Allah de Allah Allah de Allah

Bâkî dirlik seven kişi gerek tuta aşk eteğin
Aşktan artık her nesnenin değşirilir zevâli var
Allah de Allah Allah de Allah

Âsiklara iş bu sûret mesela bir gömlek gibi
Yüz bin gömlek eskitirse âşıkların muhâli var
Allah de Allah Allah de Allah

Niçeler aydur Yunus’a çün kocaldın aşkı kogıl
Rûzigâr uğramaz aşka aşkın ne ay u yılı var
Allah de Allah Allah de Allah