Arzı dîdar eyledikçe şâhidi gülzâr-ı Hû
Şevkile bülbüller eyler nâ’rayı ezkâr-ı Hû

Saki-i bezm-i ezelden nûş edib câm-ı sefâ
Mest eder âşıkları ol cür’ei esrâr-ı Hû

Zevki daim neş’ei külliyeden verir nişân
Kimde kim zâhir ola keyfiyyeti âsâr-ı Hû

Levh-i dilden zulmeti şirki hevâyı mahveder
Pâk eder mir’at-i kalbi seykali envâr-ı Hû

Refrefidir râh-ı Hakk’da ol HÜDAYÎ âşıkın
Gark eder ebvâb-ı gaybı lâcerem tekrar-ı Hû