Âşıkların âteş-i aşk gülberine güller döker
Âteş-i âhın sûzişi cân-gâhına incû eker
Aşkın Elinden…

Zülf-i siyeh sanemlerin kanûn-i kadîmi budur
Dilberlere dildâdeler cânından ümmidin keser
Aşkın Elinden…

Ebrû-kemân dilberlerin âfet-i cân olduğunu
Âlem bilür eyle hazer eyler hazer şems ü kamer
Aşkın Elinden…

LUTFÎ amân dîvâneler dergâhına kıl ilticâ
Bu tîr-i aşk-ı dilberân âkıllerin bağrın deler
Aşkın Elinden…