Aşkın meyine ben kane geldim
Şevkin oduna hoş yane geldim

Şem’-i tevhidi gördüm yakılmış
Gitti kararım pervane geldim

Halka-i zikri kurmuş aşıklar
Ben de sahnında cevlane geldim

Mecnunum bugün Leyla derdinden
N’eylerim aklı divane geldim

Derdi cananın açtı yareler
Bağrım üstünde dermane geldim

Ümmi Sinan’ın hak-i payine
Sürmeğe yüzüm sultana geldim

Yaremi bildim yarimden imiş
Bunda Niyazi Lokman’e geldim..