Cânân ile bir cân olana câna ne minnet
Dergâhına kurbân olana kãna ne minnet

Yâr ile yâver olsa eğer âşık-ı sâdık
Derdine devâ bulduğu dermâna ne minnet

Sabâ gibi sevdâ-keş olur diyâr-ı yâre
Eylese tavâf cân ile îmâna ne minnet

Ger dutsa eli dâmen-i cânânını birgün
Kerem-i Kerim ettiği ihsâna ne minnet

LUTFÎ’ye eğer yâr-i kadîm bir nazar etse
Firdevs gibi cennet ile Rıdvân’a ne minnet