Cenâb-ı zü’l-kerem merhamet-kâni

Her dü-âlem şâd u handân eyleye

Cennet-i alâda vere mekâni
Livâdârı şâh-ı merdân eyleye

Ne kadar var ise ihvân-ı îmân

Merhametler ede hazret-i Rahmân

Her iki cihânda Hak vere emân

Cemâl-i cîminden ihsân eyleye

Mevlâ nâsır olsun ehl-i îmâne
Âkıbet göndersin dâr-ı cinâne
Kayd eyleye ser-defter-i gufrâne Herbir derdimize dermân eyleye

Herbir derde dermân hubb-i Huda’dır
Hayât-ı rûhumuz nûr-i hüdâdır

Muvahhidin rûhu Hakk’a fedâdır

Afvimize Mevlâ fermân eyleye

Kāmet-i himmete bağla kemeri

Eflâk-i gönülde rahmet kameri

Mevlâ’ya tevekkül abdin hüneri

LUTFÎ merhameti Rahmân eyleye