Derd iste ey gönül derd ile olur dermân
Derdi olan âşıklar geceler eyler efgân
Eyyüb veş ey miskîn yürü sabreyle derde
Sabreyleyene ol dost eyler dîdârın ihsân
Cân Yûsufu derdinden Ya’kûb-ı dil ağlasın
Müyesser ola vuslat âhir olup bu hicrân
Yûsuf gibi ol bende kıl hâcene hizmetler
Mısr-ı dile hizmetle tâ kim olasın sultân
Vîrân gönüllerde bulur dileyen Hakk’ı
Bulunsun ezel genci ma’mûr’ını kıl vîrân
Deryây-ı ezelde sen bir katresin ey derviş
Mürşid’e eriş katren eyleye künh-i ummân
Maksûd-ı Nizâm Oğlu dîdârıdır Allâhın
Ey hâce senin olsun bu dîn ile îmân