Senin sevda-yı ‘aşkından derûnum nâre dönmüşdür
Açılmaz güllerim gamdan gülüm bir hâre dönmüşdür.
Yârim ağyârim elinden neler çekdim bana sen sor
Güneş görmez ayak basmaz içim bir gâra dönmüşdür
Ne derdim vâr ne dermânım bilinmez oldı ahvâlim
Cefâ-i tîğîden gönlüm aceb gamzâre dönmüşdür
Ne âşıkım ne müştâkım hemân beyhûde bir cânım
Bilinmez derd-i hicrânım gözüm ummâne dönmüşdür
Ezelden mi tecellimdir beni güldürmedin bir ân
Sadâkatler satan ahbâblarım bir mâre dönmüşdür
Bir ebnâ-i beşerden kim vefâ gördüyse eyvâllah
Bunların cevr u zulmünden gözüm enhâre dönmüşdür
Fezâ’yım râzı olmakdır vazîfem yâre ağyâre
Bu sînem aç da bak gönlüm yıkık mezâre dönmüşdür