Arzulayıp geldim yine kapına
Efendim Mazharî Sultân kandasın
Yüz sürmek isteriz senin tapına
Efendim Mazharî Sultân kandasın

Gerçi vâsıl oldı bu dâr-bekâ
Size menzil oldı dâr-bekâ
Nice katlansın yürek bu firâka
Efendim Mazharî Sultân kandasın

Hakk’ın fazlı ile halkı toylayan
Hem ma’rifet güllerini yıylayan
Evvel-i recebde sefer eyleyen
Efendim Mazhârî Sultân kandasın

Derviş olan teslîm gerek Pîrine
Âşıklar yanmasın firkat nârına
Oğlunu halîfe koyan yerine
Efendim Mazharî Sultân kandasın

Kâmil olmaz erin binde birisi
İlm-i ledünnîden vermeğe dersi
Kutbü’l-irşâd Evliyânın vârisi
Efendim Mazharî Sultân kandasın

Âşıkların sizden gitmez elemi
Evvel Allah böyle çalmış kalemi
Hayâlin cânıma mihmân ola mı
Efendim Mazharî Sultân kandasın

Ümmî Sinan eydir ihsân eylegil
Derde düşdüm bana dermân eylegil
Bu cânım yolunda kurbân eylegil
Efendim Mazharî Sultân kandasın