Nûr-i Kur’ân feyz-i Rahmân dil-güşâd etsün seni
Hubb-i Mevlâ nutk-ı eşyâ zevk-yâb etsün seni

Sâkî-i bezm-i ezel vermiş şerâb-ı eynemâ
Mey-i vahdet neş’esi gamdan âzâd etsün seni

Mekteb-i ilm-i ledünnî nâşir-i ders-i aref
Men aref dershanesinde ber-mûrad etsün seni

Câm-ı şerbet-i şerîat var olan bîdâr olur
Nûr-i irfân ile dol ki ol âbâd etsün seni

Dâreyinde dest-gîrin hazret-i Allah ola
LUTFİYA lutf-i Hudâ dinde imâd etsün seni