Ey nûr-i basar dildeki dildârımın bir gör
Ol kâni-kerem yâr-ı vefâdârımı bir gör
Ol ruhleri al hâsılı cennetde bulunmaz
0l hâl-i hayâl kâkül-i gülbârımı bir gör

Ol çeşm-i siyeh âhû-yi Çîn’den de güzeldir
Ol müşg-i tâtâr la’l-i güher-bârımı bir gör

Gerdende dökülmüş sanasın encüm-i kudret
Bengler mey-i câm gülbün-i gülzârımı bir gör

Kâmet-i kıyâmet ne şerâfet ne melâhat
Müjgânları tîr dîde-i hunhârımı bir gör

LUTFÎ o sanem necm-i seher âfet-i devrân
Cân gözleriyle âleme hünkârımı bir gör