Ey nûr-i basar gözle
Dergâh-ı keremdir bu
Mekteb-i meʻârifde
Deryâ-yı hikemdir bu

Hurşîd-i muhabbetdir
Eflâk-i hidâyetdir
Bir iklîm-i vahdetdir
Sahrâ-yı ademdir bu

Derd ehline cennetdir
Ravza-i seâdetdir
Dershane-i hikmetdir
Mâkām-ı kıdemdir bu

Bir menzil-i rahmetdir
Rahmet ile ülfetdir
Bir dâr-ı şerâfetdir
Gülzâr-ı haremdir bu

Bu Küfrevî dergâhı
Kabûl eder âgâhı
Ebvâb-ı hidâyetdir
Deryâ-yı himemdir bu

Meşrik-ı tecellâdır
Matla-‘i muallâdır
Bir dergeh-i vâlâdır
Metâf-ı hidemdir bu

Âlem-i muhabbetdir
Mâkâm-ı mukarrebdir
Âgâh ola gör LUTFÎ
Ricâl-i kirâmdır bu