Görmem o şîr-i nerleri devr-i kamerimde
Terkîm edeyim nâmını zîr-i eserimde

Encüm-i seâdet dolanıp gitdi gurûba
Bir merd-i mezîd kalmadı kûy ü şeherimde

Erlik eseri efrâd-ı âdemde hümâdır

Emvâtde ara var yürü bahr-i bererimde

İnsân sûretinde görünür ebnâ-yı âdem
Bilmem ne diyem hâsılı taht-ı nazarımda

Bir maraz-ı mühlik bu ki emsâli bulunmaz
Kāflar gāib olsa n’ola bahr-i kederimde

Bu mevcûd olan âfeti ta’dâd edebilmem
Ne olsa gelür başıma kayd-ı kaderimde

Gark oldu şekā bahrine efrâd-ı mükellef
Rahm eyleye Mevlâ bize hâl-i kiberimde

LUTFÎ kerem-i Hakk’a dayan her dü-serâda
Zehr-âbe karışmamağa şîr ü şekerimde