Görmem o şîr-i nerleri devr-i kamerimde
Terkîm ideyim nâmını zîr-i eserimde

Encüm-i sa’âdet dolanıp gitdi gurûba
Bir merd-i mezîd kalmadı kûy ü şeherimde

Erlik eseri efrâd-ı âdemde hümâdır
Emvâtde ara var yürü bahr ü bererimde

İnsân sûretinde görünür ebnâ-yı Âdem
Bilmem ne diyem hâsılı taht-ı nazarımda

Bir maraz-ı mühlik bu ki emsâli bulunmaz
Kaf’lar gâib olsa n’ola bahr-i kederimde

Bu mevcûd olan âfeti ta’dâd edebilmem
Ne olsa gelir başıma kayd-ı kaderimde

Gark oldu şekâ bahrine efrâd-ı mükellef
Rahm eyleye Mevlâ bize hâl-i kiberimde

Lutfî kerem-i Hakk’a dayan her dü serâda
Zehr âbe karışmamağa şîr ü şekerimde