Ol perî-veş dilber-i dildârı gözler gözlerim
Taht-ı dilde zü’l-kerem hünkârı gözler gözlerim

Tâc-ı zer kıykâc serinde serv-i kamet bir levend
Gerdeninde kâkül-i gülbârı gözler gözlerim

0l kemân ebrûleri mihrâb-ı kudret mâh-ı nev
Dürr ü mercân lebleri gül-nârı gözler gözlerim

Mey-i ma’nâ cur’asıyla mest-i medhûş bir güzel
Katmer-i cennet gibi nûr yâri gözler gözlerim

Kays-veş sahrâlara saldı sanem-rûler beni
Cân verúp cânân yolunda kârı gözler gözlerim

LUTFİYÂ nâz-bâz olan dilber seni katl eylesün
Cânıma kast eyleyen dürr-bârı gözler gözlerim