Âşıklar sâdıklar işitmiş olun
Hakk’dan geldim yine Hakk’a giderim
Mevlâsından gayri kimi var kulun
Hakk’dan geldim yine Hakk’a giderim

Tâvus-ı kuds idim uçdum yuvadan
Yâd oldum bir iki gün âşinadan
Âhir yine geçüb cümle sivâdan
Hakk’dan geldim yine Hakk’a giderim

Bir özge âlemden geldim cihâne
Delil olmak içün sırr-ı nihâne
Ol dosta giderim gitmem yabâne
Dosdan geldim yine dosda giderim

Bizi isteyenler Hakk ile olsun
Rûz-i ezel ahdin riayet kılsın
Kulun efendisi yanında bulsun
Hakk’dan geldim yine Hakk’a giderim

HÜDAYÎ sûretâ bir kabze hâkim
Lîk mâni yüzünden dürr-i pâkim
Soyundum mâsivâdan sine çâkim
Hakk’dan geldim yine Hakk’a giderim