Hubb-i dünyâdan münezzehdir veliyyu’llah olan
Mâsivâya meyleder mi âşık-ı Allah olan

Der-i dergâh-ı İlâhîde niyâz-mend âşıkân
Cennet-i a’lâyı bilmez dâhil-i dergâh olan

Sırr-ı tevhîd nûr-i vahdet neşr eder dilden dile
Cenneti gönlünde bulmuş ârif-i âgâh olan

Kâl ile kalmak olur mu nûr-i ma’nâ var iken
Hızr-veş eyler sefer ol sâlik-i şeh-râh olan

Men aref ders-hânesinde ilm-i ledündân ile
Tahsîl-i ilm etmeyen LUTFÎ odur gümrâh olan