Hubb-ı dünyâdan münezzehdir veliyyullah olan
Mâsivâya meyleder mi ‘âşık-ı Allah olan

Der-i dergâh-ı ilâhîde niyâz-mend âşıkân
Cennet-i a’lâyı bilmez dâhil-i dergâh olan

Sırr-ı tevhîd nûr-ı vahdet neşr ider dilden dile
Cenneti gönlünde bulmuş ‘ârif-i âgâh olan

Kâl ile kalmak olur mu nûr-ı ma’nâ vâr iken
Hızr-veş eyler sefer ol sâlik-i şeh-râh olan

“Men ‘aref” dershânesinde ‘ilm-i ledün-dân ile
Tahsîl-i ‘ilm etmeyen Lutfî odur gümrâh olan