Şol nefes emrin fâni cihandan gidecek
Sen kerem eyle İlâhi bize ol demde meded

Gülşen-i cennete cân bülbülü pervâz edecek
Sen kerem eyle İlâhi bize ol demde meded

Ger kerem ire cenâbından ayâ Rabb’u Kerîm
Gelmeye yânımıza tard ola şeytan-ı racîm

Pak ü tâhir varalım hazrete bâ kalbi selîm
Sen kerem eyle İlâhi bize ol demde meded

Bir zaman ola fenâ bula semâvat ile arz
Ne iyi kala ne kem kala ne hud tûl ile arz

Şimdiden etdi HÜDAYÎ halini tapuna arz
Sen hidayet et İlâhi bize ol demde meded